Logo Ysgol Cwm y Glo
Ysgol Gynradd Cwm y Glo
Newyddion Croeso i wefan Ysgol Cwm y Glo. Diolchwn yn fawr iawn i staff cwmni dylunio digidol DELWEDD am greu a noddi ein gwefan. DIOLCH YN FAWR IAWN DELWEDD!
Lluniau Diweddaraf o'r Albwm

 

Cliciwch yma i ymweld a'r albwm.

Tymor yr Hydref 2009

Erbyn hyn, mae tâl aelodaeth yr Urdd wedi ein cyrraedd. Bydd gweithgareddau’r Urdd a Champau’r Ddraig yn cael eu trefnu i’r plant (ar brynhawn Mercher, mae’n debyg) – manylion i ddilyn!

Cynhelir y ‘Clwb Recorder’ ar brynhawnau Llun o Dachwedd 16eg ymlaen.

Bydd gweithdy gwyddoniaeth Zoo Lab yn ymweld â’r ysgol ar ddydd Mercher, Tachwedd 18fed, gyda gweithdy gwyddoniaeth Techniquest yn ymweld â’r ysgol ar ddydd Mawrth, Tachwedd 24ain.

Bydd plant dosbarth Llydaw yn cael ymweld â Chanolfan Addysg Awyr Agored Gwynedd, Rhyd Ddu ar ddydd Mawrth, Rhagfyr 1af – manylion i ddilyn!

Bydd y consuriwr Howard Hughes yn diddanu’r plant ar fore Gwener, Rhagfyr 11eg!

Rydym yn gobeithio y bydd plant dosbarth Peris yn cael taith Nadolig o amgylch coedwig – manylion i ddilyn!

.

Haf 2009

Diolchwn i Mrs Nia Oliver am ei harweiniad gofalgar ohonom tra'n Bennaeth Mewn Gofal dros y pedwar tymor olaf. Byddwn yn croesawu pennaeth newydd, Mr Garem Jackson atom ym mis Medi.

Rydym yn ffarwelio gyda deg o blant o Flwyddyn 6 eleni, ac yn dymuno'n dda iddynt yn yr Ysgol Uwchradd. Rydym hefyd yn ffarwelio gyda Mrs Jen Roberts ar ôl pymtheg mlynedd fel athrawes yn yr ysgol, ac yn dymuno'n dda iddi yn ei swydd newydd ym mis Medi.

Neges gan Mrs Roberts: Diolch o galon am yr holl gardiau, anrhegion a geiriau caredig gennych i gyd. Rydw i wedi bod yn hapus iawn yn Ysgol Cwm y Glo ac mae gennyf lawer o atgofion difyr o'r plant, rhieni a staff sydd yn mynd i fod efo fi am byth. Rydw i'n dymuno'n dda i chi a'r ysgol i'r dyfodol.

Diolchwn i Miss Jones am fynd gyda wyth disgybl i aros yng Nglanllyn, Bala am benwythnos o weithgareddau. Roedd pawb wedi mwynhau yn arw, ond wedi blino'n lân wedi cyrraedd adre!

Aeth Blwyddyn 3 a 4 i Cae'r Gors i ar Gwrs Awyr Agored. Diolchwn i'r rhieni ddaeth i helpu - mwynhaodd pawb y diwrnod yn fawr iawn.

Llongyfarchiadau i'r disgyblion yma o Flwyddyn 6 am ennill tystysgrifau Sgiliau Dwr.
Mae'r mosaig ar furiau allanol yr ysgol bron iawn wedi gorffen! Diolchwn i Heather Lowe a'r Adran Iau am eu syniadau campus a'u gwaith caled. Maent wrthi yn brysur yn awr yn harddu corlan y plant Meithrin.
Diolchwn i'r CRA a'n rhieni gweithgar am y bagiau pridd a'r planhigion i'r plant blannu. Maent wedi mwynhau eu plannu ac mae llawer o ddiddordeb yn y tyfiant!
Diolchwn i Flwyddyn 6 am gynnal Ffair Lyfrau lwyddiannus a gwerthu dros £200 o lyfrau gan ennill comisiwn da i'r ysgol.

Diolch i bawb ddaeth draw i gefnogi'r Ffair Mai. Roedd yn braf gweld cymaint o'n cyn-ddisgyblion ni wedi galw heibio hefyd.

Diolch i Flwyddyn 6 am yr amrywiaeth diddorol o gemau i godi arian - roedd llawer o hwyl i'w gael!
Mae'r diolch mwyaf yn mynd i'r rhieni gweithgar fu'n trefnu ac yn paratoi at y diwrnod - mae'r staff yn wir werthfawrogi
eich gwaith caled. Cofiwch fwrw golwg ar y lluniau yn yr Albwm.
Diolch yn fawr i bawb ddaeth i Morrisons i bacio ar 16/5/09. Casglwyd £500 i gronfa y CRA gyda'ch gwaith caled chi!
Mae yr Adran Iau i gyd yn gweithio yn galed i greu murlun mosaig tu allan i'r ysgol gyda Heather Lowe. Edrychwn ymlaen i'w weld wedi darfod!
Llongyfarchiadau i'r disgyblion yma am beidio methu diwrnod o ysgol yn ystod y tymor diwethaf!

 

 

Gwanwyn 2009

Diolch yn fawr iawn i bawb ddaeth draw i'r ysgol i blygu Eco'r Wyddfa mis Ebrill. Roedd yn gyfle gwych i'r plant gael gweld sut mae'r Eco yn cael ei osod at ei gilydd.

26/3/09 Ar ôl i'r glaw ddarfod cawsom ddiwrnod o weithgareddau amrywiol, gan gynnwys sgipio a beicio noddedig, i godi arian i'r ysgol. Diolch yn fawr i bawb am eu cefnogaeth.


chwyddo


chwyddo

 Cafodd dri aelod o'r Cyngor Ysgol fynd i Gynhadledd Ysgolion Iach yn y Galeri yng Nghaernarfon. Cawsont hwyl wrth roi cynnig ar yr offer cadw'n heini.


chwyddo

 Cafodd dri o blant fynd draw i Swyddfa Delwedd yn y Galeri i weld sut mae gwefan Ysgol Cwm y Glo yn cael ei diweddaru. Diolchwn i Mike Roberts a'i ataff am y croeso.
Llongyfarchiadau i'r ddau blentyn yma ar ddod yn gyntaf yn Eryri gyda'u gwaith Celf a Ffotograffiaetth. Bob lwc yn Eisteddfod Genedlaethol yr Urdd yng Nghaerdydd yn awr!
Daeth Ceri Mair Roberts o Ysgol Brynrefail i'r ysgol am wythnos o brofiad gwaith ar ddiwedd y tymor. Cafodd gyfle i dreulio amser ymhob dosbarth ac fe fwynhaodd y profiad yn fawr iawn. Bob lwc iddi yn yr arholiadau.
Yn dilyn y gweithdy diddorol gyda Catrin Williams a Hugh Warren, roedd baneri a llyfr o waith celf disgyblion Blwyddyn 5 a 6 yn cael eu harddangos yn y Galeri cyn y Pasg.
Yn dilyn y gweithdy diddorol gyda Catrin Williams a Hugh Warren, roedd baneri a llyfr o waith celf disgyblion Blwyddyn 5 a 6 yn cael eu harddangos yn y Galeri cyn y Pasg.
Ar ddiwedd y tymor roeddym yn drist wrth ffarwelio gyda Miss Ceri Williams sydd wedi bod yn gymhorthydd yma tra'r oedd Wendy Roberts (Miss Smith ) ar absenoldeb mamolaeth. Diolchwn yn fawr iddi am bob cymorth a dymunwn yn dda iddi yn ei swydd newydd ym Mangor.


chwyddo

Dawnsio Gwerin - Llongyfarchiadau i Grwp Marchlyn am ddod yn Ail yn Eisteddfod Sir Yr Urdd ym Mangor ar 14/3/09.

Llongyfarchiadau hefyd i grwp Glaslyn am ddod yn Ail yn yr Eisteddfod Cylch(Dan 12 oed) ac i Grwp Llydaw am ddod yn Ail hefyd (Dan 10 oed.) Bydd cyfle i bawb ddawnsio eto yn y Cyngerdd Pasg.
Cawsom lawer o hwyl ar Ddiwrnod Trwynau Cochion 13/3/09. Roedd y Cyngor Ysgol wedi trefnu gwahanol weithgareddau i gasglu arian - addurno bisgedi, gwisgo i fyny, dweud jocs, chwilio am drwynau coch o amgylch yr ysgol a chystadleuaeth lluniau gwirion. Casglu £150 i'r achos. Ardderchog wir!
Ar 11/3/09 daeth Marion Hughes i gael sgwrs gyda'r Adran Iau. Roedd wedi bod yn Kotayam yn India gyda llythyrau i ysgol yno gan ein disgyblion. Dychwelodd gyda llythyrau ac anrhegion gan blant Kotayam a difyr oedd cael gweld lluniau ohonynt gan Marion.
Ar 10/3/09 aeth Blwyddyn 5 a 6 i'r Galeri i weld sioe wyddoniaeth Fflach Bang! Roedd yn ddiddorol dros ben ac yn hwyliog hefyd.
Ar 26/2/09 daeth Catrin Williams a Hugh Warren i'r ysgol i gynnal Gweithdy Jazz a Chelf gyda disgyblion Blwyddyn 5 a 6. Roedd pawb wedi mwynhau yn arw. Ewch draw i'r Albwm i weld y lluniau.
Llongyfarchiadau i'r ddau fachgen yma am gael eu dewis i Criw Celf. Byddant yn cael mynd i weithdai Celf mewn gwahanol lefydd yng Ngwynedd yn ystod y flwyddyn.
Roedd yr ysgol ar gau oherwydd eira ar Ddydd Mawrth Chwefror 3, ond cawsom ddigon o hwyl ar y diwrnod canlynol!
Rydym yn gweithio gyda Heather Lowe, artist preswyl, yn ystod y ddau dymor nesaf. Ewch draw i'r Albwm i weld y disgyblion yn gwneud ffelt.
Daeth Dennis Davies o'r NSPCC i son wrth y plant am waith y mudiad. Rydym am gasglu arian i'r NSPCC drwy gael ein noddi i ddysgu sillafu set o eiriau.
Llongyfarchiadau i'r disgyblion yma ar eu llwyddiant yng nghystadleuaeth Cyngor Gwynedd i wneud lluniau i galendr Arbed Ynni.
Rydym wedi ethol Cyngor Eco newydd a dyma'r disgyblion sydd arno.
Dyma y Cyngor Ysgol Newydd am Dymor y Gwanwyn.

Hydref 2008

Llongyfarchiadau i'r disgyblion yma am bresenoldeb 100% yn ystod Tymor yr Hydref.
Dosbarth Peris
Dosbarth Llydaw
Dosbarth Marchlyn
Newyddlen Ysgol Cwm Y Glo, Rhifyn 18 ar gael nawr Cliciwch yma.
Diolch i'r CRA gweithgar am drefnu raffl Nadolig i godi arian i'r ysgol. Diolch i bob un o'r rhieni gyfranodd i'r raffl hefyd. Rydym fel staff yn gwerthfawrogi yn fawr bopeth ydych yn wneud i'r ysgol.
Cofiwch fynd draw i'r Maes yng Nghaernarfon ar Ragfyr 22 a 23 i weld disgyblion o'r ysgol yn canu carol ar y sgrin fawr!
Ar Ddydd Iau, Rhagfyr 11, roedd dosbarth Peris yn drist gan eu bod yn ffarwelio gyda Miss Davenport. Roedd hi wedi bod yn fyfyriwr yn y dosbarth ers naw wythnos ac roedd y plant wedi mwynhau bod yn ei gofal. Ewch draw i'r Albwm i'w gweld yn paratoi at barti Jac, yr aderyn du.
Diolch i PC Neil Williams am ddod i’r Ysgol i weithio gyda’r plant. Cafodd y Babanod a Dosbarth Marchlyn sesiwn ar gyffuriau, a Dosbarth Llydaw sesiwn ar alcohol.
Llongyfarchiadau i’r ddwy yma ar eu llwyddiant yn Eisteddfod Llanrug a Chwm y Glo.
Aeth Ddosbarth Llydaw i Gae'r Gors i gael profiad o fyw yn ystod Oes Fictoria. Ewch i'r Albwm i weld y lluniau.

Ar Dachwedd 14 roedd yn ddiwrnod Plant Mewn Angen. Cawsom lawer o hwyl yn gwerthu teganau a theisennau, gwisgo pyjamas a gwisg ffansi, a chwarae gemau. Casglwyd £200 i Blant Mewn Angen - da iawn chi blant, a diolch i'r Cyngor Ysgol am drefnu. Lluniau yn yr Albwm.

Rydym wedi casglu bocsys i Ymgyrch Nadolig y Plentyn unwaith eto. Diolchwn i bob teulu a gyfranodd.

 

Mae'r Dosbarth Meithrin wedi bod yn brysur yn blasu gwahanol fwydydd gyda Miss Jones.

 

Aeth dosbarth Marchlyn draw i'r Amgueddfa ym Mangor i weld arddangosfa ddiddorol o gysylltiadau yr ardal â Lerpwl dros y blynyddoedd. Wedyn cawsont weithdy creu barddoniaeth hwyliog gyda Karen Owen. Ewch i'r Albwm i weld y plant.

Cymrodd ddisgyblion o'r Dosbarth Derbyn i Flwyddyn 6 ran yn y Gwasanaeth Diolchgarwch yng Nghapel Tabernacl. Diolch i bawb a ymunodd gyda ni ac a gyfranodd tuag at y casgliad i'r Ambiwlans Awyr. Diolch hefyd i swyddogion y Capel am fod mor barod gyda'u croeso. Ewch i'r Albwm i weld y plant.

Cafodd Ddosbarth Marchlyn weithdy Celf difyr iawn yng nghwmni'r artist Karen Jones yng Ngae'r Gors. Ewch draw i'r Albwm i'w gweld wrth eu gwaith.
Daeth Becky Williams a Tracy Griffith atom am wythnos o brofiad gwaith o Ysgol Brynrefail. Diolch i chi genod – bydd gan y plant hiraeth ar eich hol.
Mae etholiadau y Cyngor Ysgol wedi cael eu cynnal a dyma'r disgtyblion sydd ar y Cyngor y tymor yma.

Croeso i Mrs Diane Roberts atom ni fel Goruchwyliwr Amser Cinio. Mae'r plant yn adnabod 'Anti Diane' yn barod gan fod ei mherch, Ffion, yn nosbarth Llydaw. Gobeithio y byddwch yn hapus gyda ni Anti Diane.

Roedd Dydd Gwener, Medi 19 yn ddiwrnod trist yn Ysgol Cwm y Glo pan oeddym yn ffarwelio gyda Anti Margaret. Mae hi wedi bod yn edrych ar ôl y plant bob amser cinio am 28 mlynedd! Diolch yn fawr iawn am bob cymwynas Anti Margaret, a cofiwch alw i mewn i'n gweld.
Hysbysfwrdd

Dydd Llun Tachwedd 23
HMS
Dim ysgol i blant.

Dyddiadau pwysig eraill yn y Dyddiadur.

 

   
 
Ysgol Gynradd Cwm Y Glo, Cwm Y Glo, Caernarfon, Gwynedd LL55 4DE

Dyluniwyd gan Delwedd

Plant Y Gymuned Ysgol Rhieni Argraffu E-bostiwch Ni Marciwch Ni Sôn wrth ffrind